Oifig Foilseachán an Aontais Eorpaigh (Tairseach OP) Coinníollacha ginearálta maidir le scaipeadh

Fáil ar fhoilseacháin

Tá rochtain saor in aisce ar fhoilseacháin uile an Aontais ar líne i bhformáid dhigiteach ar thairseach Oifig Foilseachán an Aontais Eorpaigh, agus comhaid phriontála ardtaifigh (PDF/X) ar taispeáint aon uair atá siad ar fáil chun priontáil ardcháilíochta a éascú.

Leis na comhaid PDF/X sin, is féidir leat an oiread cóipeanna d’fhoilseacháin de chuid an Aontais is mian leat a atáirgeadh, laistigh de theorainneacha na bprionsabal ginearálta maidir le hathúsáid, tú féin, nó le cabhair ó siopa priontála ghairmiúil, printéir nó seirbhís speisialaithe chló ar éileamh.

Tá méid teoranta foilseachán ar fáil i bhformáid chlóite, go dtí go mbeidh siad ar fad imithe. Má tá na foilseacháin sa stoc, tugtar sin le fios leis an gcnaipe gorm ‘Iarr’ ar an leathanach sonraí a bhaineann leo.

Má thagann athrú ar stoic faoin am a fhaighimid d’iarraidh agus a phróiseálaimid í, cuirfimid ar an eolas thú trí ríomhphost.

Seachadadh

Seachadfar na foilseacháin chuig an seoladh poist a luadh tráth na hiarrata.

Ní bheidh Oifig na bhFoilseachán freagrach as iarrataí nár iarradh ar fhoilseacháin arna ndéanamh ag duine thar ceann duine (faighteoir) eile (agus/nó arna sheachadadh chuig an bhfaighteoir eile sin).

Má tá amhras ann go bhfuil mí-úsáid nó drochúsáid á baint as an tseirbhís a tháirgtear, forchoimeádann Oifig na bhFoilseachán an ceart na hiarrataí sin a chur ar ceal.

Ní bheidh Oifig na bhFoilseachán freagrach as na hiarmhairtí a bheidh le haon mhoill sa seachadadh.

Dochar nó cailliúint agus earraí faoi bhealach

Féadfaidh Oifig na bhFoilseachán foilseacháin nua a chur in ionad foilseachán a cailleadh nó a ndearnadh damáiste dóibh tráth a seachadta nó roimhe, ach iad a bheith ar fáil, má chuireann tú sin in iúl dúinn i scríbhinn maille le fianaise thacaíochta chuí.

Sonraí pearsanta a chosaint

Féach an Ráiteas príobháideachais maidir le cosaint sonraí pearsanta.

Díospóidí agus an dlí is infheidhme

Tá fúinn aon aighnis a réiteach go cairdiúil i gcreat na gcoinníollacha ginearálta seo maidir le scaipeadh. Iarraimid ort aon cheist nó aon ghearán atá agat a sheoladh chuig Oifig na bhFoilseachán.

Tá na coinníollacha ginearálta seo faoi réir dhlí Ard-Diúcacht Lucsamburg.