Ceisteanna Coitianta

Is féidir leat comhaid cháilíochta cló PDF/X a íoslódáil ó shuíomh gréasáin Fhoilseacháin an Aontais Eorpaigh. Is cineál speisialta comhaid PDF é PDF/X a cruthaíodh chun malartú grafaicí agus sonraíochtaí a bhaineann le priontáil a éascú. Leis na comhaid PDF/X sin, is féidir leat an oiread cóipeanna d’fhoilseacháin de chuid an Aontais is mian leat a atáirgeadh, laistigh de theorainneacha na bprionsabal ginearálta maidir le hathúsáid, tú féin, nó le cabhair ó siopa priontála ghairmiúil, printéir nó seirbhís speisialaithe chló ar éileamh.

Tá Foilseacháin an Aontais Eorpaigh, a bhfuil comhaid PDF/X le fáil ina leith, marcáilte le deilbhín eolais gorm (i) sa rannán íoslódála de leathanach an fhoilseacháin. Laistigh den rannán íoslódála, beidh dhá dheilbhín PDF ann: gnáthdheilbhín PDF amháin agus deilbhín PDF-HD amháin. Is féidir na comhaid cháilíochta cló PDF/X a íoslódáil ach cliceáil ar an nasc taobh thiar den deilbhín PDF-HD.

Déantar gach comhad PDF/X le haghaidh leagan teanga ar leith d’fhoilseachán a íoslódáil mar chomhad zip aonair. I gcás foilseacháin níos faide, tá comhad PDF/X sa chomhad zip don inneachar agus comhad PDF/X ar leith don chlúdach. Is ‘mar atá siad’ a thairgtear na comhaid sin. Ní chuireann Oifig na bhFoilseachán seirbhísí ar fáil chun na comhaid sin a chur i gcló ná in oiriúint.

Tá méid teoranta foilseachán ar fáil i bhformáid chlóite, go dtí go mbeidh siad ar fad imithe. Chun go mbeifí in ann iad a chur i gcló sa bhaile, tá comhaid PDF/X ar cháilíocht chlóite ar fáil do líon mór rudaí ar shuíomh gréasáin Fhoilseacháin an Aontais Eorpaigh (féach tuilleadh faoi ‘Foilseachán de chuid an Aontais a chur i gcló’).

I gcás ina bhfuil sé ar fáil, is féidir cóip chlóite d’fhoilseachán ar leith a fháil ach teagmháil a dhéanamh le:

• Ballstát den Aontas:
  • an t-ionad eolais is cóngaraí duit de chuid an Aontais Eorpaigh
  • nó ionadaíocht an Choimisiúin Eorpaigh i do thírse
• ó thír nach Ballstát den Aontas í:
  • toscaireacht an Aontais Eorpaigh i do thírse

Chun úsáid a bhaint as an bhfoirm theagmhála, ní mór duit glacadh le fianáin tríú páirtí.