Uffiċċju tal-Pubblikazzjonijiet tal-Unjoni Ewropea (Portal OP) Kundizzjonijiet ġenerali ta' disseminazzjoni
Dawn il-kundizzjonijiet japplikaw għall-prodotti kollha (minn hawn ’il quddiem imsejħa “pubblikazzjonijiet”) offruti permezz tal-Pubblikazzjonijiet tal-UE mill-Uffiċċju tal-Pubblikazzjonijiet tal-Unjoni Ewropea (“l-Uffiċċju tal-Pubblikazzjonijiet tal-UE”).
Disponibbiltà tal-pubblikazzjonijiet
Il-pubblikazzjonijiet kollha tal-UE huma aċċessibbli online mingħajr ħlas f’format diġitali mill-portal tal-Uffiċċju tal-Pubblikazzjonijiet tal-UE, b’fajls stampati b’riżoluzzjoni għolja (PDF/X) murija kull meta jkunu disponibbli biex jiffaċilitaw stampar ta’ kwalità għolja.
B’dawn il-fajls PDF/X, tista’ tirriproduċi kemm tixtieq kopji ta’ pubblikazzjonijiet tal-UE, fil-limiti tal-prinċipji ġenerali għall-użu mill-ġdid, waħdek jew bl-għajnuna ta’ ħanut professjonali li joffri servizzi tal-istampar, ta’ stampatur, jew ta’ servizz speċjalizzat tal-istampar fuq talba.
Hemm għażla limitata ta’ pubblikazzjonijiet f’format stampat, li jkunu disponibbli biss sa ma jispiċċaw. Il-pubblikazzjonijiet fl-istokk ikunu indikati bil-buttuna blu “ Talba ” fil-paġna bid-dettalji tagħhom.
Jekk il-ħażniet jinbidlu sa meta nirċievu u nipproċessaw it-talba tiegħek, ninfurmawk bl-email.
Kunsinna
Il-pubblikazzjonijiet jintbagħtu fl-indirizz indikat meta saret it-talba tiegħek.
L-Uffiċċju tal-Pubblikazzjonijiet tal-UE ma jistax jinżamm responsabbli għal talbiet mhux soliċitati ta’ pubblikazzjonijiet li jsiru minn utent f’isem (u/jew mibgħuta lil) persuna oħra (riċevitur).
F’każ ta’ suspett ta’ użu ħażin jew abbuż tas-servizz offrut, l-Uffiċċju tal-Pubblikazzjonijiet għandu d-dritt li jikkanċella r-rikjesti.
L-Uffiċċju tal-Pubblikazzjoni tal-UE ma jistax jinżamm responsabbli għall-konsegwenzi ta’ kwalunkwe dewmien.
Ħsara jew telf fit-tranżitu
L-Uffiċċju tal-Pubblikazzjonijiet tal-UE jista’ jissostitwixxi l-pubblikazzjoni(jiet) mitlufa jew danneġġata/i mal-konsenja jew qabel, soġġett għad-disponibbiltà, jekk inti tinnotifikana bil-miktub, b’evidenza ta’ sostenn xierqa.
Protezzjoni ta’ data personali
Jekk jogħġbok irreferi għad-Dikjarazzjoni ta’ privatezza dwar il-protezzjoni ta’ data personali.
Tilwim u liġi applikabbli
L-għan tagħna hu li nsibu soluzzjoni għat-tilwim b’mod amikevoli fil-qafas ta’ dawn il-kundizzjonijiet ġenerali tat-tixrid. Jekk jogħġbok ibgħat kwalunkwe mistoqsija jew ilment lill-Ufficcju tal-Pubblikazzjonijiet tal-UE.
Dawn il-kundizzjonijiet ġenerali huma rregolati bil-liġi tal-Gran Dukat tal-Lussemburgu.